Xalq deputatlari Bekobod tuman Kengashiga O‘zbekiston Liberal-demokratik partiyasidan saylangan deputat N.Dusmatova Xos mahallasida xotin-qizlar faoli hamda bir guruh ayollar bilan ochiq muloqot o‘tkazdi.

Uchrashuv davomida ishtirokchilarning murojaat va takliflari tinglanib, ularni qiynayotgan masalalar yuzasidan fikr almashildi. Shuningdek, O‘zbekiston Respublikasining 2019-yil 2-sentabrdagi “Xotin-qizlarni tazyiq va zo‘ravonlikdan himoya qilish to‘g‘risida”gi O‘RQ–561-son Qonuni ijrosi hamda uning mazmun-mohiyati atroflicha muhokama qilindi.

🤝 Bunday uchrashuvlar xotin-qizlarning huquq va manfaatlarini himoya qilish, ularning muammolariga yechim topish hamda jamiyatda o‘zaro hurmat va xavfsiz muhitni mustahkamlashga xizmat qiladi.