Қораполвон ва Радивон маҳаллаларини боғловчи кўприк қурилиши: ишларнинг бориши ва мавжуд масалалар ўрганилди
Янгиқўрғон туманида аҳоли учун муҳим аҳамиятга эга бўлган инфратузилма объектларидан бири — Қораполвон ва Радивон маҳаллаларини боғловчи, Намангансой устида барпо этилаётган кўприкнинг қурилиш жараёни ўрганилди.
Ўрганиш давомида объектда олиб борилаётган қурилиш-монтаж ишларининг бориши, белгиланган вазифаларнинг ижроси ҳамда қурилиш жараёнида эътибор қаратиш лозим бўлган масалалар кўриб чиқилди.

Мазкур кўприкнинг барпо этилиши икки маҳалла ўртасидаги қатновни янада қулайлаштириш, аҳолининг транспорт ҳаракатини енгиллаштириш ҳамда ҳудуд инфратузилмасини яхшилашда муҳим аҳамият касб этади.
Объектдаги ишлар билан танишиш жараёнида Халқ депутатлари Наманган вилояти Кенгаши депутатлари Н. Мухамадиева, Д. Хатамова, Кенгаш котибияти мудири Т. Гаппаров ҳамда Янгиқўрғон тумани Кенгаши котибияти мудири М. Эргашева иштирок этди.
Ўрганиш якунида қурилиш ишларини сифатли ташкил этиш, белгиланган талабларга риоя қилиш ва объектни ўз вақтида фойдаланишга топшириш билан боғлиқ масалаларга алоҳида эътибор қаратилди.