Xalq deputatlari Bekobod tuman Kengashiga O‘zbekiston Liberal-demokratik partiyasidan saylangan deputat B.Yo‘lchiyev "Beshyuz" mahallasida fuqarolar bilan uchrashib, ularning murojaatlarini o‘rgandi.
Uchrashuv davomida fuqarolar tomonidan quyidagi masalalar ko‘tarildi:
🔹 "Yangi avlod" ko‘chasidagi 82 ta xonadonda ichimlik suvi bosimining pasayib ketgani sababli xonadonlarga suv yetib bormayotgani;
🔹 Beshtosh, Yangizamon va Nafosat ko‘chalaridagi 95 ta xonadonga yetkazib berilayotgan ichimlik suvining iste’mol uchun yaroqsizligi.
Mazkur murojaatlar deputat nazoratiga olinib, mas’ul tashkilotlarga deputat so‘rovi yuborildi.
📝 Aniqlangan muammolar "Ko‘chama-ko‘cha yurish" daftariga qayd etildi hamda ularni bartaraf etish yuzasidan mas’ul tashkilotlarga tegishli tavsiya va topshiriqlar berildi.