Xalq deputatlari Parkent tuman Kengashiga 20-“Ulug‘bek” saylov okrugidan saylangan deputat Sultonov Azimjon O‘ktam o‘g‘li tomonidan deputatlik nazorati doirasida o‘ziga biriktirilgan O‘zbekiston Respublikasining
“Vijdon erkinligi va diniy tashkilotlar to‘g‘risida”gi Qonuni ijrosi yuzasidan Din ishlari bo‘yicha qo‘mita Parkent tuman bo‘limida o‘rganish olib borildi.O‘rganish davomida deputat tomonidan maxsus savolnoma asosida qonun ijrosiga oid qator savollar berildi. Jumladan,tuman hududida fuqarolarning vijdon erkinligi va diniy e’tiqodga bo‘lgan huquqlarini ta’minlash bo‘yicha qanday ishlar amalga oshirilmoqda,diniy bag‘rikenglikni mustahkamlash bo‘yicha qanday profilaktik tadbirlar o‘tkazilmoqda,diniy ta’limni qonunchilikda belgilangan tartibda tashkil etilishi va noqonuniy diniy ta’lim holatlarining oldini olish bo‘yicha qanday choralar ko‘rilmoqda,diniy mazmundagi adabiyotlar va boshqa materiallarning qonunchilik talablariga muvofiq tarqatilishi ustidan qanday nazorat ishlari olib borilmoqda,diniy tashkilotlar faoliyatida qonun talablarining buzilishiga yo‘l qo‘ymaslik yuzasidan qanday profilaktik ishlar amalga oshirilmoqda.Mazkur savollarga Din ishlari bo‘yicha qo‘mita Parkent tuman bo‘limi bosh mutaxassisi F.Turg‘unboyev tomonidan batafsil ma’lumotlar taqdim etildi.Taqdim etilgan ma’lumotlarga ko‘ra, 2026-yilning birinchi yarim yilligida tuman hududida 22 ta mahallada “Jaholatga qarshi ma’rifat” mavzusida uchrashuvlar o‘tkazilib, 600 nafarga yaqin fuqaro qamrab olingan.Shuningdek, ta’lim muassasalarida yoshlar va ota-onalar ishtirokida 800 nafardan ortiq fuqaroni qamrab olgan ma’naviy-ma’rifiy tadbirlar tashkil etilgan.Bundan tashqari, diniy ta’limni qonuniy tartibda tashkil etish,diniy mazmundagi adabiyotlar savdosi, noqonuniy diniy ta’lim va turli yot g‘oyalar ta’sirining oldini olish yuzasidan ham profilaktik tushuntirish ishlari olib borilgani ma’lum qilindi.O‘rganish yakunida qonun ijrosini yanada samarali tashkil etish, fuqarolarning vijdon erkinligi va qonuniy huquqlarini ta’minlash, diniy bag‘rikenglik muhitini mustahkamlash hamda yoshlar o‘rtasida huquqiy-ma’rifiy targ‘ibot ishlarini kuchaytirish yuzasidan tegishli tavsiya va takliflar bildirildi.