Ta’lim muassasalarini 2026/2027-o‘quv yiliga puxta tayyorlash, o‘quvchilar uchun zamonaviy, qulay va xavfsiz sharoitlar yaratish, mavjud muammolarni o‘z vaqtida aniqlash hamda bartaraf etish masalalari doimiy nazoratda.

Shu maqsadda Termiz shahridagi ta’lim muassasalarida yangi o‘quv yiliga tayyorgarlik holati, moddiy-texnik baza, o‘quvchi o‘rinlari va ta’lim jarayoni uchun zarur sharoitlar yuzasidan nazorat-tahlil tadbirlari olib borilmoqda.

Navbatdagi o‘rganish ishlari 6-sonli umumta’lim maktabida o‘tkazildi.Unda xalq deputatlari Termiz shahar Kengashi kotibiyati mudiri, deputat A.Ashurov hamda kotibiyat bosh mutaxassisi R.Mamashukurov ishtirok etdi.

🏗 Mazkur maktabda 2026-yilgi Investitsiya dasturi asosida ta’mirlash ishlarini amalga oshirish belgilangan. O‘rganish davomida maktabning yangi o‘quv yiliga tayyorgarlik jarayoni, mavjud sharoitlar va amalga oshirilishi lozim bo‘lgan ishlarning holati atroflicha ko‘zdan kechirildi.

📌 Ayniqsa, o‘quvchilar uchun yaratilayotgan sharoitlar, ta’lim infratuzilmasining holati, o‘quvchi o‘rinlarini ko‘paytirish, shuningdek, qurilish-ta’mirlash ishlarining belgilangan muddat va sifat talablariga muvofiq bajarilishiga e’tibor qaratildi.

⚙️ Nazorat-tahlil jarayonida aniqlangan masalalar yuzasidan mas’ullarga tegishli tavsiya va ko‘rsatmalar berildi.

🎯 Maktabni 2026/2027-o‘quv yiliga tayyorlash bo‘yicha belgilangan ishlarni sifatli yakunlash hamda aniqlangan kamchiliklarni bartaraf etish nazoratga olindi.