O‘rganishlar davomida ayrim maktablarda elektr energiyasi uchun qarzdorlik sababli ta’minotning cheklanishi yoki uzilishi, shuningdek, “Toza Hudud” korxonasi oldidagi qarzdorlik tufayli maishiy chiqindilarni o‘z vaqtida olib chiqish bilan bog‘liq muammolar mavjudligi aniqlandi.
Mazkur holatlar ta’lim jarayonining uzluksizligi, elektron ta’lim vositalaridan foydalanish hamda maktablarda sanitariya-gigiyena talablariga rioya etilishiga salbiy ta’sir ko‘rsatishi mumkin.
Shu munosabat bilan tuman maktabgacha va maktab ta’limi bo‘limi mudiriga deputatlik so‘rovi yuborilib, mavjud muammolarning sabablari, qarzdorlik holati va ularni bartaraf etish bo‘yicha ko‘rilayotgan choralar yuzasidan aniq va asoslantirilgan yozma javob so‘raldi.
Maqsad — maktablarda o‘quvchilar uchun xavfsiz, toza va zarur shart-sharoitlarni ta’minlash.