Xalq deputatlari Qo‘qon shahar Kengashi kotibiyat mudiri A.Nosirov tomonidan “Isfara guzari” MFYda hokim yordamchisi D.Sherquziyevning faoliyati o‘rganildi.

O‘rganish davomida mahallada aholini tadbirkorlikka jalb etish, yangi biznes loyihalarini qo‘llab-quvvatlash va fuqarolarning bandligini ta’minlash borasida amalga oshirilayotgan ishlar bilan tanishildi.

Jumladan, fuqaro G.Azizovaga tadbirkorlik faoliyatini boshlash va nonvoyxona tashkil etish uchun 10 million so‘m miqdorida kredit ajratilgani ma’lum bo‘ldi.

Hozirgi kunda fuqaro G.Azizova tomonidan o‘z tadbirkorlik faoliyati yo‘lga qo‘yilgan bo‘lib, mahalla hududidagi bo‘sh turgan nonvoyxona binosidan foydalanib, faoliyatini davom ettirmoqda.

Tadbirkorlik faoliyatining yo‘lga qo‘yilishi natijasida mavjud imkoniyatlardan samarali foydalanish, aholiga talab yuqori bo‘lgan mahsulotlarni yetkazib berish hamda yangi daromad manbasini shakllantirishga erishilmoqda.

O‘rganish davomida tadbirkorning faoliyatini rivojlantirishda hokim yordamchisi D.Sherquziyev tomonidan zaruriy ko‘mak va amaliy yordamlar ko‘rsatib kelinayotgani ham qayd etildi.

Xalq deputatlari Qo‘qon shahar Kengashi