Xalq deputatlari Margʻilon shahar Kengashi raisi O.Axmatshayev hamda Kengash kotibiyat mudiri A.Ermatov tomonidan Goʻravval mahalla fuqarolar yigʻini hududida Oʻzbekiston Respublikasi Prezidentining PQ–406-son qarori, Oʻzbekiston Respublikasi Oliy Majlisi Senati Kengashining KQ–35–V-son qarori hamda mahalliy Kengash deputati faoliyatining eng muhim yoʻnalishlari boʻyicha belgilangan 24 ta tavsiya ijrosi yuzasidan oʻrganish ishlari olib borildi.

Oʻrganish davomida mahalladagi obodonlashtirish holati joyiga chiqqan holda koʻzdan kechirildi. Hududni obodonlashtirish, infratuzilmani yaxshilash, ko‘kalamzorlashtirish hamda tozalikni taʼminlash borasida amalga oshirilayotgan ishlar tahlil qilinib, mavjud kamchiliklar yuzasidan tegishli tavsiyalar berildi.

Shuningdek, hokim yordamchisining hududda tadbirkorlikni rivojlantirish, aholi bandligini taʼminlash, kambagʻallikni qisqartirish hamda fuqarolar bilan ishlash borasidagi faoliyati atroflicha tahlil qilindi.

Oʻrganish yakunlari boʻyicha aniqlangan masalalar yuzasidan masʼullarga tegishli topshiriqlar berilib, belgilangan vazifalar ijrosini taʼminlash yuzasidan zarur choralar belgilandi.

Mazkur oʻrganishlar mahalliy Kengash deputatlari faoliyati samaradorligini oshirish, deputatlik nazoratini kuchaytirish hamda hududlarni kompleks rivojlantirishga xizmat qiladi.

Slide 1 of 5