Xalq deputatlari Shirin shahar Kengashi kotibiyati tomonidan O‘zbekiston Respublikasi Prezidentining 2026-yil 5-fevraldagi “2026-yilda hududlarni yangicha yondashuvlar asosida rivojlantirish orqali aholi daromadini oshirish, barqaror ish o‘rinlarini yaratish hamda kambag‘allikni qisqartirish chora-tadbirlari to‘g‘risida”gi PQ–49-son qarori hamda mazkur hujjat ijrosini tashkil etishga qaratilgan Xalq deputatlari Shirin shahar Kengashining 2026-yil 26-fevraldagi VII-21-20-9-131-K/26-sonli qarori ijrosi o‘rganildi.

O‘rganishlar davomida shaharda 2026-yilda jami 3 649 ta yangi ish o‘rni yaratish orqali aholi bandligini ta’minlash rejalashtirilgani hamda joriy yilning 5 oyi yakunlari bo‘yicha bir qator yo‘nalishlarda ijobiy natijalarga erishilgani aniqlandi.

Jumladan:

🔹 Investitsiya loyihalari hisobiga ish o‘rinlari yaratish bo‘yicha reja 22 ta bo‘lib, amalda 23 ta ish o‘rni yaratilgan (104,5 foiz);

🔹 Xizmat ko‘rsatish va servis loyihalarini ishga tushirish hisobiga reja 86 ta bo‘lsa, amalda 113 ta ish o‘rni yaratilgan (131,4 foiz);

🔹 Bo‘sh ish o‘rinlari orqali bandlikni ta’minlash bo‘yicha reja 39 ta bo‘lib, amalda 74 ta ish o‘rni yaratilgan (189,7 foiz);

🔹 Qurilish sohasida reja 3 ta bo‘lsa, amalda 6 ta ish o‘rni yaratilgan (200 foiz);

🔹 Moliyaviy qo‘llab-quvvatlash dasturlari orqali reja 80 ta bo‘lib, amalda 185 ta ish o‘rni yaratilgan (231,3 foiz).

Shuningdek, norasmiy bandlikni qisqartirish va ish o‘rinlarini legallashtirish bo‘yicha ham qator natijalarga erishilgan:

🔸 Soliq yo‘nalishida reja 106 ta, amalda 123 ta (116 foiz);

🔸 Ijtimoiy xizmatlar yo‘nalishida reja 19 ta, amalda 29 ta (152,6 foiz);

🔸 Bandlik yo‘nalishida reja 24 ta, amalda 51 ta (212,5 foiz);

🔸 Transport yo‘nalishida reja 18 ta, amalda 16 ta (88,9 foiz);

🔸 “Mehnatsevar ayol” dasturi doirasida reja 11 ta, amalda 13 ta (118,1 foiz);

🔸 Qurilish yo‘nalishida reja 51 ta, amalda 53 ta (103,9 foiz) ko‘rsatkichga erishilgan.

O‘rganish yakunlari bo‘yicha mas’ul tashkilotlarga belgilangan ko‘rsatkichlarning to‘liq bajarilishini ta’minlash, mavjud zaxiralarni ishga solish hamda aholi bandligini yanada oshirish yuzasidan tegishli tavsiyalar berildi.