Xalq deputatlari Qo‘qon shahar Kengashi deputati Sh.Dexkanov tomonidan yuborilgan deputatlik so‘rovi yuzasidan mas’ul tashkilot tomonidan rasmiy javob taqdim etildi.

Mazkur so‘rov “Sadoqat” mahalla fuqarolar yig‘ini, Sadoqat ko‘chasi 15-uyda istiqomat qiluvchi fuqaro M.Sattorovning kadastr hujjatlarini rasmiylashtirish bilan bog‘liq murojaati asosida yuborilgan edi.

Taqdim etilgan javobga ko‘ra, fuqaroning murojaati yuzasidan tegishli tartibda o‘rganish ishlari olib borilgan. Natijada mazkur xonadon bo‘yicha kadastr hujjatlari tayyorlanib, ko‘chmas mulk obyektiga tegishli ma’lumotlar davlat reyestriga kiritilganligi ma’lum qilindi.

Shuningdek, uy-joy va unga tegishli inshootlar bo‘yicha davlat ro‘yxatidan o‘tkazish ishlari amalga oshirilgani hamda mulk huquqini rasmiylashtirish jarayonlari yuzasidan amaldagi qonunchilik talablari asosida tushuntirishlar berildi.

Rasmiy javobda qayd etilishicha, mulkdorlar vafot etganligi sababli mazkur ko‘chmas mulk obyektiga nisbatan meros huquqini rasmiylashtirish ishlari notarial tartibda amalga oshirilishi lozim. Buning uchun merosxo‘rlar tomonidan notarial idora orqali meros huquqiga oid guvohnoma rasmiylashtirilishi zarurligi bildirilgan.

Fuqaro murojaati yuzasidan olib borilgan ishlar va berilgan rasmiy javob deputat tomonidan nazoratga olinib, masalaning qonuniy yechimi ta’minlanishi yuzasidan monitoring davom ettiriladi.

Fuqarolar murojaatlarini o‘z vaqtida ko‘rib chiqish va ularning qonuniy manfaatlarini himoya qilish deputatlik faoliyatining ustuvor yo‘nalishlaridan biridir.

Xalq deputatlari Qo‘qon shahar Kengashi