Shovot kanalining o‘ng va chap sohillarida obodonlashtirish hamda ko‘kalamzorlashtirish ishlarini amalga oshirish, shuningdek, manzarali daraxt va turli xil gul ko‘chatlarini xarid qilish uchun Shovot tumani hokimligi huzurida tashkil etilgan “Infratuzilma va ijtimoiy barqarorlik” jamg‘armasi mablag‘lari hisobidan 106,0 (bir yuz olti million) so‘m miqdorida mablag‘ ajratilishi yuzasidan Xalq deputatlari Shovot tumani Kengashining 2026-yil 24-fevraldagi VII-21-22-12-177-K/26-sonli qarori ijrosi o‘rganildi.

📍 Mazkur qaror ijrosini o‘rganish Xalq deputatlari Shovot tumani Kengashining mahalliy budjet, tadbirkorlikni rivojlantirish va iqtisodiy islohotlar masalalari bo‘yicha doimiy komissiyasi a’zolari tomonidan joyiga chiqqan holda amalga oshirildi.

🔍 O‘rganish jarayonida ajratilgan mablag‘larning maqsadli va samarali sarflanishi, hududda olib borilayotgan obodonlashtirish ishlari hamda ko‘kalamzorlashtirish holati atroflicha ko‘rib chiqildi.

📊 O‘rganish yakunlariga ko‘ra tegishli taklif va tavsiyalar ishlab chiqilib, mas’ul tashkilotlarga taqdim etilishi belgilandi.