Viloyat hokimligi katta majlislar zalida hududlardan saylangan Oliy Majlis senati a’zolari, deputatlar, tashkilot va boshqarmalar boshliqlari ishtirokida xalq deputatlari Surxondaryo viloyati Kengashining o'n sakkizinchi sessiyasi bo‘lib o‘tdi.

Sessiya ishini xalq deputatlari viloyat Kengashi raisi Choriyev Abduraim Ravshanovich olib bordi.

Sessiya ishida dastlab, O‘zbekiston Respublikasining 2001-yil 29-avgustdagi “Prokuratura to‘g‘risida” Qonuniga asosan qonun ustuvorligini ta’minlash, qonuniylikni mustahkamlash, fuqarolarning huquq hamda erkinliklarini, jamiyat va davlatning qonun bilan qo‘riqlanadigan manfaatlarini himoya qilish, huquqbuzarliklarning oldini olish va profilaktikasi bo‘yicha amalga oshirilgan ishlar yuzasidan viloyat prokurori B.Babadjanovning axboroti eshitildi. 

Kun tartibi bo'yicha jami 18 ta masala deputatlar tomonidan ko'rib chiqildi va deputatlar tomonidan bildirilgan fikr-mulohazalar va takliflarni inobatga olgan holda bir ovozdan ma'qullandi.

Sessiya ishi "Surxondaryo" televideniyesi orqali to‘g‘ridan to‘g‘ri efirga uzatildi. (https://t.me/tvsurxon/24420)