DEPUTATLIK NAZORATI

Xalq deputatlari Sherobod tumani Kengashining 16-“Katta hayot – Do‘stlik” saylov okrugidan saylangan deputati T. Mirzayev tomonidan “Do‘stlik” mahalla fuqarolar yig‘inida aholini toza ichimlik suvi bilan ta’minlash maqsadida olib borilayotgan ishlar holati o‘rganildi va deputatlik nazorati amalga oshirildi.

Deputatlik nazorati jarayonida hududda ichimlik suvi ta’minoti bo‘yicha amalga oshirilayotgan ishlar, mavjud muammolar hamda ularning yechimiga qaratilgan chora-tadbirlar atroflicha muhokama qilindi. Mas’ul tashkilotlar va mutasaddi rahbarlarga aniqlangan kamchiliklarni bartaraf etish, belgilangan ishlarni sifatli va o‘z vaqtida yakunlash yuzasidan tegishli topshiriq va tavsiyalar berildi.

Shuningdek, aholining toza ichimlik suvi bilan barqaror ta’minlanishini yaxshilash, mazkur yo‘nalishdagi ishlar samaradorligini oshirish masalalari Xalq deputatlari Sherobod tumani Kengashi tomonidan doimiy nazoratga olinishi ta’kidlandi.