Kuni kecha xalq deputatlari Olmazor tumani Kengashi deputatlari Sh.Umarxodjayeva va D.Raxmatullayev hamda MFY raisi ishtirokida "G'alaba" mahalla hududidagi magistral ko'chalarining obodonlashtirish va sanitariya holatini o‘rganish maqsadida joylarda monitoring o‘tkazdi. Tashrif davomida ayrim ko‘chalarda chiqindilar o‘z vaqtida olib ketilmagani, bu esa aholi uchun noqulaylik tug‘dirayotgani aniqlandi.

Deputatlar mas’ul tashkilot vakillariga holatni zudlik bilan bartaraf etish, chiqindilarni muntazam olib chiqish va hududda tozalikni ta’minlash bo‘yicha tegishli topshiriqlar berdi. Shuningdek, aholi bilan suhbatlashib, ularning taklif va murojaatlarini tingladi.

Mazkur nazorat tashrifi natijasida mas’ullarga muammolarni bartaraf etish yuzasidan chora ko‘rish tavsiya etildi.