Kuz-qish mavsumi boshlanishi munosabati bilan Xalq deputatlari Chinoz tumani Kengashi deputati Olimjon Isoqov tomonidan tumandagi maktab va maktabgacha ta’lim muassasalarida isitish tizimlarining tayyorgarlik holati o‘rganildi.

Deputat tomonidan ta’lim muassasalarida mavjud isitish tizimlari, yoqilg‘i zaxiralari hamda issiqlik ta’minoti samaradorligi bilan bog‘liq masalalar ko‘zdan kechirildi.

O‘rganish jarayonida aniqlangan ayrim kamchiliklarni bartaraf etish bo‘yicha tegishli tashkilotlarga tavsiyalar berildi.

Deputat Olimjon Isoqov ta’lim muassasalarida o‘quvchilar va tarbiyalanuvchilar uchun qulay sharoit yaratish, ayniqsa sovuq mavsumda issiqlik ta’minotini barqaror tashkil etish masalasiga alohida e’tibor qaratilishini ta’kidladi.