Deputatlar faoliyatining eng muhim yo‘nalishlari bo‘yicha o‘zlari saylangan hududlarda o‘rganishlar o‘tkazish bo‘yicha savolnomaning 1-bandi (mahalla yoshlar yetakchisi tomonidan amalga oshirilayotgan tadbirlar samaradorligi, yoshlar bandligi holati) ijrosini ta’minlash maqsadida Xalq deputatlari Urganch shahar Kengashi deputati R.Baltayev tomonidan shahardagi “J.Manguberdi” mahallasida mahalla yoshlar yetakchisining bu boradagi faoliyati o‘rganildi.

O‘rganish davomida mahalladagi yoshlar soni, ularning bandligini ta’minlash, kasb-hunarga yo‘naltirish, tadbirkorlikka jalb etish hamda bo‘sh vaqtlarini mazmunli tashkil etish borasida amalga oshirilayotgan ishlar tahlil qilindi.

Shuningdek, “Yoshlar daftari”ga kiritilgan fuqarolar bilan olib borilayotgan manzilli ishlar, ularga yaratilayotgan imkoniyatlar va ko‘rsatilayotgan amaliy yordam holati yuzasidan ma’lumotlar olindi.