Xalıq deputatları Bozataw rayonlıq Keńesinen 1-«Palwash ataw» saylaw okrugi, (MTDP) saylanǵan deputat Ibragimov Aziz Jalgasovich tárepinen nızamshılıqqa muwapıq, Rayonlıq mektepke shekemgi hám mektep bilimlendiriw bólimine deputatlıq sorawı jiberildi.
Sorawda kóterilgen másele: Atap aytqanda aymaqtaǵı 2-sanlı ulıwma orta bilim beriw mektebiniń sport zalı hám suw tazalawshı úskenesine jalǵanǵan elektr energiyası kúshleniwi sebepli qısqa tutasıw júzege kelip elektr energiyasınan waqtınsha úzilgenligi anıqlandı.Sol sebepli mektepti taza ishimlik suwı menen támiyinlep turıwshı suw tazalawshı úskeneniń 1 aydan beri islemey qalǵanlıǵi sebepli mektep oqıwshılarınıń taza ishimlik suw menen támiyinlew mashqala bolıp atırǵanlıǵı málim boldı.
Joqarıda atap ótilgen 2-sanlı ulıwma orta bilim beriw mektebiniń mashqalasın qanigelerińiz tárepinen úyrenip, imkaniyatıńızdan kelip shıǵıp ámeliy járdem beriwdi soraǵan. “Xalıq deputatları wálayat, rayon hám qala
Keńesi deputatınıń statusı haqqında”ǵı Nızamınıń 5-, 8-statyalarına muwapıq usı másele boyınsha 10 kún ishinde tiykarlanǵan maǵlıwmat beriwińizdi sorayman.