Xalq deputatlari Sardoba tumani Kengashi kotibiyati mudiri Q.O'tayev 28-aprel ish rejasi ijrosini ta'minlash bo'yicha O‘zbekiston Respublikasi Prezidenti hujjatlari, Oliy Majlis palatalari va Hukumat qarorlari, shuningdek, oliy darajadagi tashriflar davomida erishilgan kelishuvlar ijrosini ta’minlash maqsadida ishlab chiqilgan “yo‘l xaritalari” doirasida belgilangan vazifalar ijrosini muhokama qilishga bag‘ishlangan yig‘ilish o‘tkazildi

Mazkur yig‘ilishda tuman deputatlari, kotibiyat mas’ul xodimlari hamda tegishli tashkilot va idoralar vakillari ishtirok etdi. Unda Sardoba tumanini ijtimoiy-iqtisodiy rivojlantirish bo‘yicha belgilangan chora-tadbirlarning amalga oshirilishi holati manzilli o‘rganilib, har bir yo‘nalish kesimida aniq natijalar va mavjud muammolar atroflicha tahlil qilindi.

Yig‘ilish davomida ijro intizomini yana-da mustahkamlash, belgilangan vazifalarni o‘z vaqtida va sifatli bajarish, shuningdek, aholi farovonligini oshirishga qaratilgan loyihalarni jadallashtirish yuzasidan tegishli taklif va tavsiyalar ishlab chiqildi. Deputatlar tomonidan bildirilgan fikr-mulohazalar asosida har bir chora-tadbir yuzasidan aniq vazifalar belgilab olindi.

Ta’kidlanganidek, mazkur “yo‘l xaritalari” ijrosini samarali ta’minlash, hududda barqaror iqtisodiy o‘sishga erishish va aholi turmush darajasini yuksaltirishda muhim ahamiyat kasb etadi. Yig‘ilish yakunida barcha mas’ullarga ijroni tizimli tashkil etish va doimiy nazoratga olish bo‘yicha tegishli topshiriqlar berildi.