🔹Xalq deputatlari Bo‘stonliq tumani Kengashining 2026-yilga mo‘ljallangan Ish rejasiga muvofiq O‘zbekiston Respublikasi Prezidentining 2022-yil 7-martdagi PF-87-son Farmoni hamda Vazirlar Mahkamasining 2022-yil 31-martdagi 145-sonli qarorida belgilangan vazifalar ijrosi yuzasidan tumanning “Fazogir” mahallasi xotin-qizlar faoli G.Maxmasharipova tomonidan amalga oshirilayotgan ishlar O‘zbekiston Liberal-demokratik partiyasidan saylangan deputatlar M.Mirabdullayev va U.Aripbayev tomonlaridan o‘rganildi.

🔹O‘rganish davomida xotin-qizlar muammolarini aniqlash, ularni hal etish bo‘yicha olib borilayotgan ishlar, shuningdek, ijtimoiy himoyaga muhtoj ayollar bilan manzilli ishlash holati tahlil qilindi.

🔹Shuningdek, xotin-qizlarning bandligini ta’minlash, tadbirkorlikka jalb etish, ular o‘rtasida huquqbuzarliklarning oldini olish va ma’naviy-ma’rifiy ishlar samaradorligiga alohida e’tibor qaratildi. Faollar tomonidan olib borilayotgan ishlar yuzasidan fikr-mulohazalar bildirilib, mavjud kamchiliklarni bartaraf etish bo‘yicha tegishli tavsiyalar berildi.

🔹O‘rganish yakunida deputatlar tomonidan xotin-qizlar faoliyatini yanada samarali tashkil etish, ularning jamiyatdagi o‘rni va rolini mustahkamlash bo‘yicha aniq vazifalar belgilab olindi.