Xalq deputatlari Boyovut tumani Kengashi kotibiyati mudiri Xusnora Berdiyarovaning 2026-yil 27-aprel kungi ish rejasiga muvofiq, Kengash qarorlari ijrosini joyiga chiqib o‘rganish ishlari olib borildi.

🔎 Monitoring davomida Xalq deputatlari Boyovut tumani Kengashining 2026-yil 2-martdagi “Boyovut tumani mahalliy byudjetining 2026-yil boshiga hosil bo‘lgan erkin qoldiq mablag‘larni yo‘naltirish to‘g‘risida”gi qarori doirasida amalga oshirilayotgan loyihalarning amaldagi holati tahlil qilindi.

🌳 Sohil MFY hududidagi istirohat bog‘ida sug‘orish tizimini barpo etish ishlari (200 mln so‘m)

🌿 Tuman markazidagi istirohat bog‘ini obodonlashtirish va ko‘kalamzorlashtirish, zamonaviy ko‘rinishga keltirish ishlari (500 mln so‘m)

💰 Mazkur yo‘nalishlarda ajratilgan mablag‘lar hisobidan bajarilayotgan ishlar sifati va bajarilish holati joyida ko‘zdan kechirildi.

👥 O‘rganish jarayonida Kengash kotibiyati mudiri X. Berdiyarova, doimiy komissiya raisi A. Amanlikov hamda tuman Iqtisodiyot va moliya bo‘limi boshlig‘i o‘rinbosari F. Xudaynazarovlar ishtirok etdi.

📊 Yakunda aniqlangan kamchiliklarni bartaraf etish yuzasidan tegishli mas’ullarga topshiriqlar berilib, ishlarni belgilangan muddatlarda sifatli yakunlash zarurligi ta’kidlandi.

Xalq deputatlari Boyovut tumani Kengashi kotibiyati

Slide 1 of 7