DEPUTATLIK SO‘ROVI IJOBIY HAL ETILDI

 3-Samad Raximov saylov okrugi deputati, Xalq deputatlari Kattaqo‘rg‘on shahar Kengashi deputati Xamrayev Ravshan Djabborovich tomonidan Yakkabog‘ mahallasida tungi yoritish tizimini yaxshilash masalasi ko‘tarilgan edi.

 Jumladan, mahalladagi mavjud yoritish chiroqlarini o‘rnatish, nosoz holatdagi chiroqlarni almashtirish yuzasidan 2026-yil 7-aprel kuni 25-ds-371-26-sonli deputatlik so‘rovi Kattaqo‘rg‘on shahar hokimligi Obodonlashtirish boshqarmasi boshlig‘ining birinchi o‘rinbosari F.Qurbonovga yuborildi.

 Mazkur murojaat qisqa muddatda ko‘rib chiqilib, ijobiy hal etildi hamda amaliy ishlar boshlab yuborildi.

 Amalga oshirilayotgan ishlar natijasida mahallada tungi yoritish sifati yaxshilanib, aholi uchun qulay va xavfsiz muhit yaratishga erishilmoqda.

 Shuningdek, hududda huquqbuzarliklarning barvaqt oldini olish, fuqarolarning osoyishtaligini ta’minlashga xizmat qilmoqda.

 Deputat tomonidan hududdagi muammolarni aniqlash va ularni bartaraf etish borasidagi ishlar izchil davom ettiriladi.