Жоқарғы Кеңес депутатларының өз аймақларындағы сайлаўшылары менен ушырасыў өткериў бойынша реже-кестеси тийкарында Қарақалпақстан Республикасы Жоқарғы Кеңесиниң депутаты, ӨзХДП фракциясы ағзасы Б.Утамбетова ҳәм ӨзХДП Мойнақ районлық кеңеси баслығы А.Асенбаевалар "Жайхун" ҳәм "Таллы-өзек" мәкан пуқаралар жыйыны аймағындағы сайлаўшылар менен ушырасты.

Ушырасыўда депутат Б.Утамбетова 2026-жылдың I шерегинде әмелге асырылған жумыслар бойынша есабат берди. Ҳүрметли Президентимиздиң Қарақалпақстан ушын айрықша қабыл етилген 70 тен аслам пәрман ҳәм қарарлары тийкарында жүз берип атырған реформалар түсиндирип берилди. Кейинги жыллардағы өзгерислер, раўажланыўлар тек санларда емес, ал ҳәр бир бағдарда избе-из әмелге асырылып атырғаны атап өтилди.

Сондай-ақ, Өзбекстан Республикасы Президентиниң 2026-жыл 21-февраль күнги "Қарақалпақстан Республикасын 2026-жылда социаллық-экономикалық раўажландырыў ҳәм келеси жылларға мөлшерленген бағдарламаларды тастыйықлаў ҳаққында"ғы 70-санлы Қарарының мазмуны ҳәм әҳмийети түсиндирилди.

Ушырасыў даўамында сайлаўшылар тәрепинен мүражатлар болды ҳәм оларға тусиниклер берилди.

Slide 1 of 1