Xalq deputatlari Angor tumani Kengashining 15-Qo‘shtegirmon saylov okrugi deputati Almardonov Nurqobil tomonidan hududdagi Madaniyat mahallasi, Saxovat ko‘chasida olib borilayotgan asfaltlash ishlari o‘rganildi. O‘rganish jarayonida yo‘l infratuzilmasini yaxshilash, aholiga qulay va xavfsiz harakat sharoitlarini yaratish maqsadida keng ko‘lamli ishlar amalga oshirilayotgani qayd etildi. Shuningdek, ishlarning sifati, belgilangan muddatlarga rioya etilishi hamda aholining
fikr-mulohazalari deputat e’tiborida bo‘ldi.Aniqlangan holatlar yuzasidan mas’ul tashkilotlarga tegishli tavsiyalar berildi. Mazkur bunyodkorlik ishlari mahalla obodligini oshirish, fuqarolarning turmush darajasini yaxshilash hamda hudud infratuzilmasini yanada rivojlantirishga xizmat qiladi.