Berilgan topshiriqlar ijrosi joyiga chiqqan holda o‘rganildi

Xalq deputatlari Navoiy shahar Kengashi deputati Dilmurod Ergashev boshchiligida avvalroq shahrimizning "Orzu" mahallasi hamda Guliston dehqon bozori hududida mavjud tartibsiz holatlar, sanitariya va obodonlashtirish bilan bog‘liq kamchiliklar, noqonuniy qurilishlar hamda hudud infratuzilmasi holati yuzasidan o‘rganish ishlari olib borilib, mas’ullarga tegishli topshiriqlar berilgan edi.

Bugun mazkur topshiriqlar ijrosini joyiga chiqqan holda o‘rganish maqsadida Xalq deputatlari Navoiy shahar Kengashi deputati Dilmurod Ergashev, mahalla yettiligi hamda tegishli mutasaddilar ishtirokida hududlarda navbatdagi monitoring ishlari amalga oshirildi.

Monitoring davomida "Orzu" mahallasi va Guliston dehqon bozori atrofida olib borilayotgan obodonlashtirish hamda ta’mirlash ishlari, hududni tartibga keltirish, sanitariya holatini yaxshilash va noqonuniy qurilishlarni bartaraf etish bo‘yicha amalga oshirilayotgan chora-tadbirlar ko‘zdan kechirildi.

O‘rganish yakunida aniqlangan kamchiliklarni qisqa muddatlarda bartaraf etish, ishlar sifatini ta’minlash hamda belgilangan vazifalarni o‘z vaqtida bajarish yuzasidan mas’ullarga tegishli topshiriqlar berildi.

Hududlarda amalga oshirilayotgan ushbu ishlar shahar infratuzilmasini yanada yaxshilash, obod va qulay muhitni yaratish hamda aholining turmush sifatini oshirishga xizmat qiladi.