Ушбу йўналишда давлат стратегияси доирасида қуйидаги устувор жиҳатларга алоҳида эътибор қаратиш зарур:
1. Соғлом рақобат муҳитини яратиш
Яширин секторда фаолият юритаётган тадбиркорлар солиқ тўламаслиги ҳисобига ўз маҳсулотлари нархини сунъий равишда арзонлаштиради. Бу эса барча солиқларни ва ишчиларининг ижтимоий тўловларини вақтида тўлаётган ҳалол тадбиркорларнинг бозордан чиқиб кетишига сабаб бўлади. Қатъий чоралар, биринчи навбатда, ҳалол бизнесни ҳимоя қилиш қалқонидир.
2. Рақамлаштириш ва нақд пулсиз ҳисоб-китоблар
Яширин айланмаларнинг асоси — нақд пул оқимидир. Иқтисодиётни соядан олиб чиқишнинг энг самарали йўли банк тизимини жозибадор қилиш, тўлов тизимларини (QR-код, онлайн чеклар, маркетплейслар назорати) тўлиқ рақамлаштиришдир. Бунда тадбиркор учун пул маблағларини банк орқали айлантириш нақд пулдан кўра арзонроқ ва қулайроқ бўлиши таъминланиши керак.
3. Меҳнат муносабатларини легаллаштириш
"Конверт" усулида иш ҳақи бериш тизимига чек қўйиш. Бу чора нафақат бюджет тушумларини, балки фуқароларнинг келажакдаги ижтимоий ҳимоясини (нафақа таъминоти, тиббий суғурта) кафолатлайди. Солиқ юкини тўғри тақсимлаш орқали тадбиркорларга ишчиларни расмий рўйхатдан ўтказиш манфаатли қилиб қўйилиши лозим.

Кличева Дилорам,
Халқ депутатлари Қўнғирот туман кенгаши депутати