Viloyat Kengashida Sanitariya-epidemiologik osoyishtalik va jamoat salomatligi qo‘mitasi Samarqand viloyati boshqarmasi boshlig‘i v.v.b R.Kurbanov:

⚡️“Aholiga sifatli tibbiy xizmat ko‘rsatish bilan bir qatorda, tibbiyot muassasalarida sanitariya talablariga rioya etilishi ham alohida ahamiyatga ega.
Joriy yilning o‘tgan 5 oyi davomida viloyatdagi 332 ta davolash-profilaktika muassasasida davlat sanitariya nazorati tadbirlari o‘tkazildi.

➡️O‘rganishlar davomida ayrim muassasalarda sanitariya tartib-qoidalariga rioya qilmaslik, hojatxonalarda tozalash va dezinfeksiya ishlarini talab darajasida tashkil etmaslik kabi kamchiliklar aniqlandi.
Aniqlangan holatlar yuzasidan mas’ullarga nisbatan tegishli choralar ko‘rildi, ayrim muassasalarda kamchiliklar bartaraf etilgunga qadar faoliyat vaqtincha to‘xtatildi.

➡️Sanitariya qoidalariga amal qilish — bu shunchaki talab emas, avvalo bemorlar va tibbiyot xodimlari salomatligini himoya qilishga qaratilgan muhim vazifadir.
➡️Bu boradagi nazorat va profilaktik ishlar izchil davom ettiriladi.”