Aholini kambag‘allikdan chiqarish. Bu aytish oson, lekin amalda bajarish katta mas’uliyat, tajriba, aniq strategiyaga asoslangan qadamlarni talab etadi. 

2024-yil 23-sentabrda Prezidentimizning “Kambag‘allikdan farovonlik sari” dasturini amalga oshirish bo‘yicha birinchi navbatdagi chora-tadbirlar to‘g‘risida”gi qarori qabul qilindi. Hujjatga muvofiq, dasturni amalga oshirishning aniq rejalari va 2024-2025-yillarda aholini kambag‘allikdan chiqarishning yo‘nalishlari va hududlar kesimidagi maqsadli ko‘rsatkichlari tasdiqlandi. 

Ushbu Farmondan kelib chiqib, Urganch shahridagi mahalllarda tashkilotlar rahbarlari va mahalla yettiligi bilan birgalikda o‘rganishlar olib borildi. Birinchi navbatda shahardagi 450 ta kambag‘al oilalar tanlab olinib, ularga 90 nafar viloyat va shahar darajasidagi rahbarlar biriktirilgan.

Biriktirilgan shahar va viloyat rahbarlarining xonadanbay ishlarini tashkillashtirilganligi yuzasidan deputatlik monitoringni olib borilmoqda. Shu munosabat bilan Xalq deputatlari Urganch shahar Kengashi kotibiyati mudiri deputat P.Ro‘ziboyev o‘ziga biriktirilgan Urganch shahar “Gulchilar” mahallasida yashovchi kambag'al oilalar xolidan xabar oldi.