Chilonzor tumani 280-son umumiy o‘rta ta'lim maktabida Xalq deputatlari Chilonzor tumani Kengashi deputati Kim Marina Melisovna tashabbusi bilan "Dolzarb 90 kun" loyihasi doirasida "Ertaklar olamiga sayohat" nomli ma'naviy-ma'rifiy tadbir tashkil etildi.

Mazkur tadbir O‘zbekiston Respublikasi Prezidentining yoshlarning yozgi ta'til davridagi bo‘sh vaqtlarini mazmunli va samarali tashkil etishga qaratilgan topshiriqlari hamda Chilonzor tumanida "Dolzarb 90 kun" loyihasini amalga tatbiq etish bo‘yicha tasdiqlangan chora-tadbirlar dasturi asosida o‘tkazildi.

Tadbir davomida o‘quvchilar ertaklar olamiga sayohat qilib, qiziqarli sahna ko‘rinishlari, badiiy chiqishlar, viktorinalar va interaktiv o‘yinlarda faol ishtirok etdilar. Ushbu ma'naviy-ma'rifiy uchrashuv yoshlarning madaniyatini yuksaltirish, milliy va umuminsoniy qadriyatlarga hurmat ruhida tarbiyalash, ijodiy fikrlash qobiliyatini rivojlantirish hamda yozgi ta'tilni mazmunli tashkil etishga xizmat qildi.

Bunday tadbirlar yosh avlodning ma'naviy kamoloti, kitobga bo‘lgan qiziqishini oshirish va ularning bo‘sh vaqtini foydali mashg‘ulotlar bilan band etishda muhim ahamiyat kasb etadi.