🌿 Tabiatni muhofaza qilish – barqaror taraqqiyot va kelajak avlodlar oldidagi mas’uliyat
Xalq deputatlari tuman Kengashi deputati A.Ernazarov tomonidan O‘zbekiston Respublikasining "Tabiatni muhofaza qilish to‘g‘risida"gi Qonuni (1992 yil 9 dekabr, №754-XII) ijrosini ta’minlash yuzasidan hududlarda o‘rganish va nazorat tadbirlari amalga oshirilmoqda. Qonunning asosiy maqsadi tabiiy muhitni asrash, tabiiy resurslardan oqilona foydalanish, ekologik xavfsizlikni ta’minlash hamda fuqarolarning sog‘lom va qulay atrof-muhitda yashash huquqini kafolatlashdan iborat.
Mahallalarda obodonlashtirish ishlarini kuchaytirish, hududlarni ko‘kalamzorlashtirish, atrof-muhitni ifloslantirish holatlarining oldini olish, tabiatga ehtiyotkorona munosabatni shakllantirish va qonun talablariga qat’iy rioya etish bo‘yicha mas’ul tashkilotlarga tegishli tavsiyalar berildi.