#kengash_qarori_ijrosi_nazorati
#qonun_19_1_modda
#dolzarb_90_kun

Turon saylov okrugida “Dolzarb 90 kun” loyihasi ijrosi o‘rganildi

Xalq deputatlari Kogon shahar Kengashining 2026-yil 26-iyundagi VII-29-73-2-208-K/26-son qarori bilan tasdiqlangan “Dolzarb 90 kun” chora-tadbirlar rejasining ijrosi yuzasidan navbatdagi monitoring ishlari olib borildi.

Mazkur qaror ijrosini o‘rganish maqsadida kotibiyat bosh mutaxassisi I. Ikromov tomonidan Turon saylov okrugida amalga oshirilayotgan ishlar joyiga chiqib o‘rganildi.
Monitoring davomida yozgi ta’til davrida yoshlarning bo‘sh vaqtini mazmunli tashkil etish, sport musobaqalari, ma’naviy-ma’rifiy tadbirlar, turli to‘garaklar faoliyati hamda yoshlar uchun yaratilgan shart-sharoitlar atroflicha tahlil qilindi.

Shuningdek, “Xavfsiz va sog‘lom yurt” keng qamrovli tezkor-profilaktik tadbirlar doirasida Adolat MFY xotin-qizlar faoli tashabbusi bilan “Davraga kel, dugonajon!” shiori ostida mahalla qizlari o‘rtasida shashka sport turi bo‘yicha musobaqa tashkil etildi.

Musobaqa yakunlariga ko‘ra Donoxon Ravshanova, Dilroz Zavqiddinova hamda Safiya va Safina Saidovalar g‘olib deb topilib, diplom va esdalik sovg‘alari bilan taqdirlandilar. Shuningdek, barcha ishtirokchilarga faol ishtiroklari uchun diplomlar topshirildi.

O‘rganish yakunlari bo‘yicha mas’ullarga belgilangan vazifalarni o‘z vaqtida va sifatli bajarish, yoshlarni sport va boshqa foydali mashg‘ulotlarga keng jalb etish hamda “Dolzarb 90 kun” loyihasi doirasidagi tadbirlar samaradorligini yanada oshirish yuzasidan tegishli ko‘rsatmalar berildi.

Mazkur yo‘nalish deputatlik nazorati doirasida muntazam kuzatib borilmoqda. Deputatlik faoliyatini tashkiliy jihatdan muvofiqlashtirish va saylov okrugidagi ishlarni ta’minlash vazifalari deputat O. Jo‘rayeva hamda bosh mutaxassis I. Ikromov tomonidan amalga oshirilmoqda.

Xalq deputatlari
Kogon shahar Kengashi
axborot xizmati

Telegram . Instagram . Facebook . Youtube . E-kengash