Xalıq deputatları Bozataw rayonlıq Keńesi 4-sanlı “Tórtkúl” okrugi deputatı “MTDP” saylanǵan deputat A.Jangabaeva hám rayon hákiminiń shańaraq hám hayal-qızlar máseleleri boyınsha orınbasarı A.Xojageldieva menen birgelikte "Hayallar dápteri"ne kiritilgen hayal-qızlar mashqalasın úyrendi.

Úyreniwde jamiyette hayal-qızlardıń ornı, olardıń sociallıq jaǵdayın jaqsılandırıw, bilim alıwı, jumısqa ornalasıwı hám olardı hár táreplema qollap-quwatlaw máseleleri keńnen dodalandı. Sonday-aq, hayal-qızlardıń iskerlik qabıletlerin rawajlandırıw, kásip úyreniwine sharayat jaratıw hám olardıń jámiyetlik belsendiligin arttırıw boyınsha pikirler bildirildi. Ásirese, jumısqa ornalasıw, bilim alıw imkaniyatları, materiallıq qollaw hám sociallıq máseleler boyınsha usınıslar aytıldı.

Hayal-qızlar tárepinen kóterilgen máselelerdi sheshiw boyınsha tiyisli shara kóriw, olardı qadaǵalawǵa alıw hám ámeliy járdem kórsetiw boyınsha, Deputat hám hákim orınbasarı tiyisli taraw wákillerine tapsırmalar beriliwi boyınsha kelisip alındı.

Bunday ushırasıwlar hayal-qızlardı qollaw, olardıń múmkinshiliklerin keńeytiw hám jamiyettegi ornın tabıwda áhmiyetke iye ekeni atap ótildi.