Таълим муассасаларидаги реконструкция ишлари ўрганилди

Бугун туман ҳокими, Халқ депутатлари Янгиқўрғон тумани Кенгаши депутати Нажмиддинов Асадулла Икромович ўзи сайланган 6-Поромон сайлов округи ҳудудидаги Нов маҳалласида жойлашган 48- ва 56-сонли умумтаълим мактабларида амалга оширилаётган реконструкция ишларининг боришини ўрганди.
Президентимизнинг тегишли қарорига асосан, 48-сонли умумтаълим мактабида 6 миллиард сўм маблағ ҳисобидан реконструкция ишлари амалга оширилмоқда. Лойиҳа доирасида 180 ўринли мавжуд бино таъмирланиб, қўшимча 180 ўринли янги ўқув биноси барпо этилди.
Шунингдек, 56-сонли умумтаълим мактабида 3,2 миллиард сўм маблағ ҳисобидан реконструкция ишлари олиб борилмоқда. Бунда 80 ўринли мавжуд бинони тўлиқ таъмирлаш ҳамда ўқувчилар учун замонавий спорт зали барпо этиш кўзда тутилган.
Ўрганиш жараёнида қурилиш-таъмирлаш ишларининг сифати, ҳудудни ободонлаштириш ҳолати ҳамда муҳандислик-коммуникация тармоқларининг тайёрлигига алоҳида эътибор қаратилди.
А.Нажмиддинов масъулларга барча қурилиш ва реконструкция ишларини сифатли якунлаб, янги ўқув йили бошланишига қадар таълим муассасаларини фойдаланишга тўлиқ тайёр ҳолга келтириш бўйича тегишли кўрсатмалар берди.