G‘alaba Shoh ko‘chasida keng ko‘lamli ta’mirlash va obodonlashtirish ishlari yakuniy bosqichda

Xalq deputatlari Navoiy shahar Kengashi deputati Dilmurod Ergashev bugun mazkur hududga tashrif buyurib, amalga oshirilayotgan ishlarning bugungi holati, mas’ullar tomonidan berilgan topshiriqlar ijrosining sifatli bajarilishi hamda uylar va hududni yangilash ishlari bilan birma-bir tanishdi.

Xususan, G‘alaba Shoh ko‘chasida olib borilayotgan keng ko‘lamli ta’mirlash va obodonlashtirish ishlari, yo‘l infratuzilmasini yaxshilash, piyodalar yo‘laklarini tartibga keltirish hamda hududni yanada obod qilish bo‘yicha amalga oshirilayotgan chora-tadbirlar holati joyida ko‘zdan kechirildi.

Tashrif davomida mas’ullar tomonidan bajarilayotgan ishlarning sifati, belgilangan topshiriqlarning o‘z vaqtida va sifatli ijro etilishi masalalariga alohida e’tibor qaratildi.

Mazkur hududda olib borilayotgan ta’mirlash va obodonlashtirish ishlari yakuniy bosqichga yetib kelgani qayd etilib, ishlarni belgilangan muddatlarda sifatli yakunlash yuzasidan mas’ullarga tegishli tavsiyalar berildi.

Deputatlik nazorati doirasida amalga oshirilayotgan ushbu ishlar hudud infratuzilmasini yanada yaxshilash, aholi uchun qulay va xavfsiz sharoitlar yaratishga xizmat qilishi ta’kidlandi.