O‘zbekiston Ekologik partiyasi Taxiatosh tumani partiya Kengashi tomonidan deputatlar bilan birgalikda Yashil Makon umummilliy loyihasi doirasida jamoatchilik nazorati tadbiri o‘tkazildi.

Tadbir davomida tuman Obodonlashtirish boshqarmasiga qarashli Mustaqillik ko‘chasida amalga oshirilgan ko‘kalamzorlashtirish ishlari o‘rganildi. O‘rganish jarayonida mazkur hududda ekilgan daraxt ko‘chatlarining holati joyiga chiqqan holda ko‘zdan kechirildi.

O‘rganish natijasida hududda jami 1300 dona manzarali daraxt ko‘chatlari ekilgani ma’lum bo‘ldi. Asosan katalpa, archa va qarag‘ay turidagi ko‘chatlar ekilgan.

Shu bilan birga, ayrim muammolar ham aniqlandi. Jumladan, yer tarkibida sho‘r miqdori yuqori ekanligi hamda sug‘orish tizimi nosos holatda bo‘lganligi sababli ko‘chatlarni parvarishlashda qiyinchiliklar yuzaga kelayotgani qayd etildi.

Shu munosabat bilan, mavjud holat bo‘yicha tegishli hujjatlar bilan tanishildi va aniqlangan kamchiliklarni bartaraf etish yuzasidan mutasaddi tashkilotlarga xabar berildi.