“Deputatning bir kuni” loyihasining navbatdagi ishtirokchilari, viloyat Kengashidan Boyovut tumani 7-Yangi avlod saylov okrugidan saylangan deputat Ro‘ziqul Primqulov shuningdek tumani Kengashi deputati Muattar Mirzajonovalar "Laylakko‘l hamda "Bunyodkor" mahallalari yettiliklari va saylovchilari bilan uchrashdi.

Uchrashuvda “mahalla yettiligi”ning faoliyati, mahallada jinoyatchilik va huquqbuzarliklarni oldini olish, aholi bandligini taʼminlash, ijtimoiy himoyaga muhtoj aholini qo‘llab-quvvatlash orqali ularga huquqiy yordam ko‘rsatish, ajrimlar va oilaviy zo‘ravonliklarni oldini olish bo‘yicha tavsiyalar berilib, ish faoliyatida vujudga kelayotgan muammolar, takliflar va fikr mulohazalari tinglandi.

Shuningdek, yig‘ilishda mahallalarda amalga oshirilayotgan ishlar muhokama qilindi. Xususan, mahallalarda olib borilayotgan obodonlashtirish ishlari, soliq tushumi, ijtimoiy himoyaga muhtoj oilalar bilan ishlash va shu kabi bir qator masalalar ko‘rib chiqildi