CHINOZ TUMANI. DOIMIY KOMISSIYA MAJLISIDAN OLDIN O‘RGANISH O‘TKAZILDI. 

Bugun Xalq deputatlari Chinoz tumani Kengashining Korrupsiyaga qarshi kurashish va
xavfsizlik masalalari bo‘yicha doimiy komissiyasi raisi Surayyo Axmedova, komissiya
a’zolari Mirsoat Mirsodiqov, Sherzod Botirovlar hamda tuman Ichki ishlar bo‘limi
boshlig‘ining ma’naviy-ma’rifiy ishlar bo‘yicha o‘rinbosari Odil Voxidov ishtirokida
Chinoz tumani Ichki ishlar bo‘limi boshlig‘ining huquqbuzarliklarni oldini
olish va ularning profilaktikasi holati to‘g‘risida, shuningdek jamoat
xavfsizligi to‘g‘risida 2024-yil yakuni bo‘yicha amalga oshirilgan ishlar
to‘g‘risidagi hisobotidan kelib chiqib, jinoyatchilik sodir etilishi bo‘yicha qizil
hududga tushgan “Rasulobod” va “Nafis” mahallalarida o‘rganish olib borildi. 

Doimiy komissiya
majlisida muhokama qilinishidan oldin o‘tkazilgan ushbu o‘rganishda yuqoridagi mahalla
fuqarolar yig‘inlarining profilaktika nozirlariga yaratilgan shart-sharoitlar, ularning
ish faoliyati samaradorligini oshirishdagi ba’zi muammolar, jinoyatchilikning oshib
ketishi sabablari o‘rganildi. 

Suhbat yakunida profilaktika nozirlariga faoliyati davomida yuqori natijalarga erishishlari, ish
samaradorligini oshirishlari uchun tegishli tavsiyalar va ko‘rsatmalar berildi.

Xalq deputatlari Chinoz tumani Kengashining Korrupsiyaga qarshi
kurashish va xavfsizlik masalalari bo‘yicha doimiy komissiyasi raisi Surayyo Axmedova