Doimiy komissiya yig‘ilishida xalq deputatlari Jomboy tuman Kengashining navbatdagi 103-sessiyasi kun tartibiga kiritiladigan masalalar atroflicha muhokama qilindi. Bunda asosan 2024-yil davomida aholi bandligini ta’minlash, kam ta’minlangan oilalarni kambag‘allikdan chiqarish, doimiy yashash manzillaridan uzoq muddatga chiqib ketgan fuqarolar bilan ishlash, “Sayxunobod tajribasi”ni joriy etish, aholi kayfiyatiga salbiy ta’sir ko‘rsatuvchi omillarni bartaraf etish, “mahalla yettiligi” faoliyatini samarali tashkil etish va ularning ma’suliyatini oshirish yo‘nalishlarida amalga oshirgan ishlar, O‘zbekiston Respublikasi Prezidentining 2019-yil 30-oktabrdagi “2030-yilgacha bo‘lgan davrda O‘zbekiston Respublikasining atrof
muhitni muhofaza qilish konsepsiyasini tasdiqlash to‘g‘risida”gi PF-5863-sonli Farmoyishining ijrosini ta’minlash maqsadida amalga oshirilgan hamda Jomboy tuman ekologiya, atrof-muhitni muhofaza qilish va iqlim o‘zgarishi bo‘limi tomonidan tumanda atrof muhitni ifloslanishini
oldini olish va tabiiy resurslardan oqilona foydalanish hamda ekologiya va atrof-muhitni muhofaza qilish sohasidagi nazoratni olib borish bo‘yicha amalga oshirilgan ishlar yuzasidan muhokamalar olib borildi.