Туман Кенгаши депутати, Нуронийлар жамғармаси раиси О.Жумаев ташаббуси билан тумандаги 12-умумтаълим мактабида "Уч авлод учрашуви" тадбири бўлиб ўтди. Учрашувда Қалайчорбоғ маҳалла фуқаролар йиғинида яшовчи кекса отахону, ёши улуғ онахонлар, нуронийлар ва ёшлар таклиф этилди. 

9-май "Хотира ва қадрлаш куни" олдидан ўтказилган бу тадбирда кексаларимиз босиб ўтган ҳаёт йўллари, соҳада эришган ютуқлари ҳақида, ёшларга ибратли ҳикоятлар сўзлаб бердилар. Шунингдек тадбирда сўз олган ёшлар, яратиб берилаётган имкониятлардан мамнунлиги, эртанги кунга ишончи тўғрисида тўлқинланиб гапирди. Тадбирда иштирок этган туман Кенгаши депутатлари О.Жумаев, М.Атоевалар тадбир сўнгида ёшларни Ватанни севишга, унга муносиб фарзанд бўлишга, ота-онани ҳурмат қилишга , илм олиш, касб ўрганишга чақирди.