Этак Бешкапа маҳалласидаги 47-мактабда туман прокурори, 2-сектор раҳбари А.Валиев ҳамда Халқ депутатлари туман Кенгаши депутати Ш.Қўйсинов томонидан ёшлар, маҳалла аҳли, МФЙ еттилиги иштирокида сайёр қабул ўтказилди. Унда аҳоли вакилларининг олий таълим муассасаларида ўқиш учун тўлов-контракт суммасини амалга ошириш, маиший газ баллонлари билан таъминлаш, электр трансформаторини янгилаш, томорқа экинларини суғориш ва бошқа турдаги муаммолари ўрганилиб, оғзаки ва ёзма мурожаатлари қабул қилинди. Бир қатор масалаларга ҳуқуқий тушунтиришлар берилди. Шунингдек, прокурор ва депутат мактаб фаолияти билан танишиб, маҳаллада яшовчи эҳтиёжманд фуқаролар ҳолидан хабар олишди.