Кексаларни ҳурмат қилиш, уларга эътибор ва ғамхўрлик кўрсатиш жамиятимизнинг ўзига хос юксак маънавий ва маданий белгисидир. Ўзбек халқига азалдан хос бўлган бундай юксак фазилатлар истиқлолимизнинг дастлабки йилларидан мамлакатимизда давлат сиёсатининг устувор йўналишларидан бирига айланди.

      Мамлакатимизда ёши улуғ инсонларнинг муносиб ҳаёт кечириши учун барча шароитлар яратилмоқда. Зеро, улар юртимизда тинчлик ва осойишталикни мустаҳкамлашга, Ватанимизнинг иқтисодий салоҳияти юксалишига катта ҳисса қўшган.

      Рамазон хайити арафасида Халқ депутатлари туман кенгаши раиси Ҳикматилло Латипов тумандаги 100 ёшдан ошган онахонларни холидан хабар олиб байрам билан табриклади.