"УЧҚУДУҚ" ГЕОТЕХНОЛОГИЯ КОНИДА НАВРЎЗ БАЙРАМИ НИШОНЛАНДИ

    “Навоийуран” давлат корхонаси “Учқудуқ” ишлаб чиқариш майдони “Учқудуқ” геотехнологик кони меҳнат жамоаси иштирокида Наврўз байрамига бағишланган тадбир ташкил этилди.

Байрамона безатилган дастурхон атрофида ишчи-ходимлар тош кўтариш, армрестлинг каби спорт мусобақалари, "Энг яхши миллий таомлар" кўрик танлови ҳамда “Учқудуқ” маданият саройи бадиий жамоаларининг куй-қўшиқ ва рақсларидан баҳраманд бўлишди.

Тадбир аввалида туман хокими, туман Кенгаши депутати С.Хамроев ва "Учқудуқ” ишлаб чиқариш майдони бошлиғи А.Каримовлар йиғилганларни байрам билан табриклаб, жамоага энг эзгу тилакларини билдиришди.

Якунда спорт мусобақалари ва "Энг яхши миллий таомлар" кўрик танловида фаоллик кўрсатиб, ғолиб бўлган ишчи-ходимлар ташкилотчилар томонидан рағбатлантирилди.

Дастурхонга баҳорий таомлардан бири ҳалиса тортилди.