Шундан сўнг, маҳалла ҳудудида жойлашган 14-сонли мактабгача таълим ташкилоти ва 17-сонли умумтаълим мактабида ўрганишлар олиб борилди. Мактаб ва боғчадаги таълим-тарбия жараёни, мавжуд инфратузилма, педагоглар ва болалар учун яратилган шарт-шароитлар таҳлил қилинди. Овқатланиш, санитария, таъмирлаш ва жиҳозлаш бўйича таклифлар шакллантирилди.

Ушбу тадбирлар доирасида “Биз одам савдосига қаршимиз” мавзусида тарғиботга йўналтирилган давра суҳбати ҳам ташкил этилди. Унда ёшлар, хотин-қизлар ва маҳалла фаоллари иштирок этди. Суҳбат давомида одам савдосининг замонавий кўринишлари, улардан ҳимояланиш чоралари ва ҳуқуқий асослар ҳақида батафсил маълумот берилди.

Шунингдек, депутат Дилором Шодонова 95 ёшли нуроний отахон — Хужаёз Ота Рўзметов хонадонига ташриф буюриб, у киши билан самимий суҳбатлашди. Отахоннинг дуолари, ҳаётий тажрибалари, жамиятдаги ўзгаришлар борасидаги мулоҳазалари иштирокчилар учун ибрат бўлди.

Ушбу амалий тадбирлар “Адолат” партиясининг жойларда халқ билан доимий мулоқотни таъминлаш, инсон қадрини улуғлаш, таълим сифатини ошириш ва жамиятда ҳуқуқий онгни юксалтириш борасидаги фаол саъй-ҳаракатларининг ифодасидир.