Xalq deputatlari tuman Kengashi deputati J.Yoqubov tomonidan hududda bunyod etilayotgan ixtisoslashtirilgan maktab qurilishida amalga oshirilayotgan ishlar joyiga chiqqan holda o‘rganildi.

O‘rganish davomida maktab qurilishining bugungi holati, bajarilayotgan qurilish-montaj ishlari ko‘lami hamda obyektning belgilangan loyiha hujjatlari asosida barpo etilayotganligi ko‘zdan kechirildi. Shuningdek, qurilish jarayonida foydalanilayotgan qurilish materiallarining sifati, ishlarning bajarilish sur’ati va belgilangan muddatlarga rioya etilishi masalalariga alohida e’tibor qaratildi.

Ixtisoslashtirilgan maktabning zamonaviy ta’lim talablariga javob beradigan, o‘quvchilar uchun qulay va xavfsiz sharoitlarni yaratishga xizmat qilishi muhimligi qayd etildi. Shu nuqtayi nazardan, o‘quv xonalari, fan kabinetlari, amaliy mashg‘ulotlar uchun mo‘ljallangan xonalar, sport va boshqa zarur infratuzilma obyektlarini sifatli tashkil etish masalalari ham ko‘rib chiqildi.

Joyiga chiqib o‘rganish davomida qurilish tashkiloti mas’ullari bilan mavjud ishlar va kelgusidagi vazifalar yuzasidan fikr almashildi. Qurilish jarayonida ishlarning sifatiga, texnik va xavfsizlik talablariga qat’iy rioya etish, aniqlangan kamchiliklarni o‘z vaqtida bartaraf etish hamda obyektni belgilangan muddatlarda foydalanishga topshirish yuzasidan tegishli tavsiya va takliflar bildirildi.

Mazkur o‘rganish hududda ta’lim infratuzilmasini rivojlantirish, yosh avlod uchun zamonaviy ta’lim olish imkoniyatlarini kengaytirish hamda yangi ixtisoslashtirilgan maktabning sifatli va belgilangan talablar asosida barpo etilishini ta’minlashga qaratilgan.