Xalq deputatlari Parkent tuman Kengashiga 4-“Bo‘ston” saylov okrugidan saylangan deputat Usipxodjayev Yerlan Ormanovich tomonidan saylov okrugidagi mavjud muammolarni o‘rganish va ularni bartaraf etishga ko‘maklashish maqsadida deputatlik nazorati doirasida tegishli deputat so‘rovi chiqarildi.
📍 Muammo nimada?
👨‍👩‍👧‍👦 Saylovchilar bilan o‘tkazilgan uchrashuvlar, shuningdek, “Bo‘ston” mahallasi nuroniylari va faollari bilan suhbatlar davomida mahalla hududida joylashgan 10-sonli davlat maktabgacha ta’lim tashkilotining bolalar maydonchasi qoplamasi o‘yilib, yaroqsiz holatga kelib qolgani masalasi ko‘tarildi.
⚠️ Maydoncha qoplamasining nosoz holati bolalarning ochiq havoda o‘ynashi va mashg‘ulotlar vaqtida undan xavfsiz foydalanishiga to‘sqinlik qilishi, shuningdek, turli jarohatlanish xavfini yuzaga keltirishi mumkin.
🛝 Deputat so‘rovida qanday masalalar ko‘tarildi?
📄 Mazkur muammo yuzasidan tuman hokimining o‘rinbosari Sh. Akramovga deputat so‘rovi yuborilib, quyidagilar so‘raldi:
🔹 10-sonli davlat maktabgacha ta’lim tashkiloti bolalar maydonchasining mavjud holatini o‘rganish;
🔹 yaroqsiz holga kelgan qoplama qismlarini ta’mirlash va belgilangan talablarga muvofiq tiklash choralarini ko‘rish;
🔹 bolalar maydonchasidan xavfsiz foydalanish uchun zarur sharoitlarni yaratish;
🔹 muammoni bartaraf etish bo‘yicha rejalashtirilgan chora-tadbirlar, ularni amalga oshirish muddatlari hamda hozirga qadar bajarilgan ishlar yuzasidan asoslantirilgan yozma ma’lumot taqdim etish.
⚖️ Deputatlik nazorati — aholi manfaatlari yo‘lida!
📌 Deputat so‘rovi “Xalq deputatlari viloyat, tuman va shahar Kengashi deputatining maqomi to‘g‘risida”gi Qonunning 5 va 8-moddalariga muvofiq chiqarildi.
❗️Shuningdek, deputat so‘rovini ko‘rib chiqish muddatlariga rioya etish va unga asoslantirilgan javob taqdim qilish mas’uliyati qonunchilikda belgilangan. Ma’muriy javobgarlik to‘g‘risidagi kodeksning 193-moddasida deputat so‘roviga oid talablarni buzganlik uchun javobgarlik nazarda tutilgan.
🎯 Asosiy maqsad — bolalarning hayoti va sog‘lig‘ini muhofaza qilish, maktabgacha ta’lim tashkilotida xavfsiz muhitni ta’minlash hamda saylovchilar tomonidan ko‘tarilgan muammolarni amaliy hal etishga erishish.
➡️ Xalq deputatlari Parkent tuman Kengashi deputatlari tomonidan aholi murojaatlari va hududlardagi dolzarb masalalarni o‘rganish, ularning yechimi yuzasidan tegishli tashkilotlar oldiga aniq vazifalar qo‘yish hamda ijrosi ustidan deputatlik nazoratini olib borish ishlari davom ettirilmoqda.