Maktabdagi qurilish ishlari o‘rganildi
Oliy Majlis Qonunchilik palatasi deputati R. Siddiqov, Xalq deputatlari G‘allaorol tuman Kengashi kotibiyati mudiri B. Qorajonov hamda tuman Kengashi deputati Sh. Safarova G‘afur G‘ulom MFYdagi 25-sonli umumiy o‘rta ta’lim maktabida olib borilayotgan qurilish-ta’mirlash ishlarini tanqidiy o‘rgandilar. Maktabni mukammal ta’mirlash ishlari 2026-yil 2-aprelda boshlangan. Biroq ayni paytda qurilish ishlarida kechikish holatlari kuzatilmoqda. Qiymati 13 mlrd 947 mln so‘m bo‘lgan loyiha doirasidagi ishlar «MERGAN LIDER CONSTRUCTION» MChJ tomonidan amalga oshirilmoqda. O‘rganish davomida qurilish ishlarini jadallashtirish, belgilangan muddatlarga qat’iy rioya qilish va ish sifatini ta’minlash yuzasidan mas’ullarga tegishli tavsiya va ko‘rsatmalar berildi.