AHOLI MANFAATLARI — DEPUTATLIK FAOLIYATINING USTUVOR YO‘NALISHI.

👍 1-Gulustog‘ saylov okrugidan saylangan Urgut tuman Kengashi deputati Axrorov Baxodir Rustamovich tomonidan saylov okrugiga kiruvchi “Guliston”, “Istiqlol”, “Mozortepa” va “Chorraha” mahallalarida aholini toza ichimlik suvi bilan ta’minlash, mavjud muammolarni bartaraf etish hamda hududlarning ijtimoiy-iqtisodiy rivojlanishi va infratuzilmasini yaxshilash borasida qator amaliy ishlar amalga oshirilmoqda.

🚰 “Guliston” mahallasida aholini ichimlik suvi bilan ta’minlovchi mavjud tarmoqning eskirib, foydalanish uchun yaroqsiz holga kelgani sababli deputat tashabbusi bilan 200 metr uzunlikdagi yangi polietilen quvur tortilib, eski tarmoq yangisiga almashtirildi. Natijada mahalladagi 100 ga yaqin xonadonning ichimlik suvi ta’minoti bilan bog‘liq muammosi bartaraf etildi.
Shuningdek, fuqarolarning murojaatlari va mahallalardagi mavjud ehtiyojlardan kelib chiqib, boshqa hududlarda ham ichimlik suvi ta’minotini yaxshilash bo‘yicha amaliy choralar ko‘rildi.

📍 Jumladan:
🔹“Mozortepa” MFY—45 ta xonadon;
🔹“Istiqlol” MFY — 35 ta xonadon;
🔹 “Chorraha” MFY — 20 ta xonadonlar
toza ichimlik suvi bilan ta’minlandi.

📊 Umuman olganda, mazkur ishlar natijasida ushbu uch mahallalarda 100 ta xonadon, ichimlik suvi ta’minoti bilan bog‘liq muammolarini hal etish imkoniga ega bo‘ldi.
🤝 Asosiy maqsad — amaliy natija
Mazkur sa’y-harakatlar avvalo aholining kundalik turmushida muhim o‘rin tutadigan toza ichimlik suvi ta’minotini yaxshilash, mavjud muammolarni manzilli hal etish va mahallalarda qulay yashash sharoitlarini yaratishga qaratilgan.
Deputat tomonidan saylovchilar bilan uchrashuvlar, fuqarolar murojaatlari va joylardagi o‘rganishlar davomida aniqlangan masalalarni tegishli tashkilotlar bilan hamkorlikda hal etish ishlari izchil davom ettirilmoqda.
Xalq vakilining faoliyati — murojaatni tinglashdan boshlanib, uning amaliy yechimiga qadar davom etadi