Aholi muammolari, bandlik, ijtimoiy himoya va yoshlar masalalari — deputatlik o‘rganishining diqqat markazida.

O‘zbekiston Respublikasi Prezidentining 2026-yil 24-iyundagi PF–116-son Farmoni ijrosi doirasida Xalq deputatlari Termiz shahar Kengashining 19-“Ma’rifat” saylov okrugi deputati A.Mustafakulov hamda Kengash kotibiyati bosh mutaxassisi R.Mamashukurov tomonidan “Ma’rifat” mahallasida mahalla yettiligi faoliyati o‘rganildi.

O‘rganish davomida “Mahalliy Kengash deputati faoliyatining eng muhim 24 ta yo‘nalishi” asosida mahalla mas’ullarining aholi bilan ishlash samaradorligiga e’tibor qaratildi.
Jumladan:
🔹 hokim yordamchisining aholi
bandligini ta’minlash, kambag‘allikni qisqartirish va tadbirkorlikni
rivojlantirish borasidagi ishlari;

🔹 ijtimoiy xodimning
ehtiyojmand fuqarolarni qo‘llab-quvvatlash, ijtimoiy xizmat va moddiy
yordamlarni manzilli tashkil etish faoliyati;

🔹 xotin-qizlar faoli tomonidan
oilalar bilan ishlash, ayollar bandligi va ijtimoiy himoyasini ta’minlashga
qaratilgan chora-tadbirlar;

🔹 yoshlar yetakchisining
yoshlarni kasb-hunar, tadbirkorlik va bandlikka jalb etish, ularning bo‘sh
vaqtini mazmunli tashkil qilish borasidagi faoliyati tahlil qilindi.

📌 Muammolar va ularning
yechimlari muhokama qilindi


Mahalla faollari bilan muloqot davomida aholini qiynayotgan masalalar, mavjud
muammolarni bartaraf etish bo‘yicha takliflar hamda tegishli hujjatlar ko‘rib
chiqildi. Aniqlangan kamchiliklarni bartaraf etish yuzasidan tegishli
tavsiyalar berildi.


O‘rganish natijalari umumlashtirilib, Kengash kotibiyatiga taqdim etiladi.
Mahalladagi mavjud masalalar navbatdagi sessiya kun tartibini shakllantirishda
inobatga olinadi.


Maqsad — mahalla yettiligi faoliyati samaradorligini oshirish, deputatlik
nazoratini kuchaytirish va aholi muammolarining amaliy yechimiga erishish.