Ahil mahallasida aholi bandligi masalasi o‘rganildi

O‘zbekiston Respublikasi Prezidentining 2026-yil 5-fevraldagi PQ-49-son “2026-yilda hududlarni yangicha yondashuvlar asosida rivojlantirish orqali aholi daromadini oshirish, barqaror ish o‘rinlarini yaratish hamda kambag‘allikni qisqartirish chora-tadbirlari to‘g‘risida”gi qarori ijrosini tumanda o’rganish masalasi muhokama qilindi

Xalq deputatlari Olmazor tuman Kengashi deputati A.Xasanov, Kotibiyat bosh mutaxassisi U.Shopotixov hamda XDP Olmazor tuman Kengashi raisi X.Xamidov ishtirokida Ahil mahalla fuqarolar yig‘inida Mahalliy Kengash deputati faoliyatining eng muhim yo‘nalishlari bo‘yicha 24 talik tavsiyalarga asosan aholi bandligini ta’minlash masalasi o‘rganildi.

O‘rganish davomida mahalladagi mehnatga layoqatli aholining bandligini ta’minlash, ishsiz fuqarolarni doimiy va daromadli ish o‘rinlariga joylashtirish, tadbirkorlik faoliyatini yo‘lga qo‘yish hamda aholi daromadlarini oshirish bo‘yicha amalga oshirilayotgan ishlar ko‘rib chiqildi.

Shuningdek, ish izlayotgan fuqarolarni mavjud bo‘sh ish o‘rinlariga yo‘naltirish, kasb-hunarga o‘qitish va o‘zini o‘zi band qilish imkoniyatlaridan samarali foydalanish masalalariga alohida e’tibor qaratildi.