Ijtimoiy reyestrda turuvchi oilaning ijtimoiy-maishiy holati o‘rganildi

Xalq deputatlari Qo‘shko‘pir tumani Kengashi deputati I. Abdullayeva tomonidan Kenagas mahallasi raisi Sh. Quryozov bilan hamkorlikda mahallada ijtimoiy himoyaga muhtoj oilalarni qo‘llab-quvvatlash, ularning muammolarini o‘rganish va amaliy yechim topish borasida o‘rganish ishlari olib borildi.
O‘rganish davomida Hamkor ko‘chasi, 54-uyda istiqomat qiluvchi, Ijtimoiy reyestrda turuvchi Rahimova Ziynatjon Qodirberganovna xonadonida bo‘lib, oilaning ijtimoiy-maishiy sharoiti, oilaviy holati, mavjud muammolari hamda kundalik ehtiyojlari o‘rganildi.
Suhbat jarayonida xonadon vakillarining murojaatlari tinglanib, oilani ijtimoiy qo‘llab-quvvatlash, mavjud muammolarni tegishli tashkilotlar bilan hamkorlikda hal etish hamda ehtiyojmand fuqarolarga manzilli yordam ko‘rsatish masalalariga alohida e’tibor qaratildi.
Shuningdek, oilaning mavjud imkoniyatlaridan kelib chiqib, uni qo‘llab-quvvatlash bo‘yicha zarur choralarni belgilash, aniqlangan masalalarni tegishli mutasaddi tashkilotlar e’tiboriga yetkazish va ularning ijrosini nazoratga olish yuzasidan tegishli vazifalar belgilandi.
Mazkur o‘rganish deputatlik nazorati doirasida, fuqarolarning ijtimoiy manfaatlarini himoya qilish, aholi murojaatlari bilan ishlash va ijtimoiy ko‘makning manzilliligini ta’minlash maqsadida amalga oshirildi.