📌Sessiya ishida shahar Kengashi raisi va deputatlar, shuningdek, tegishli tashkilot va idoralar rahbarlari, mutaxassislar hamda ommaviy axborot vositalari vakillari ishtirok etdi. Sessiyada shaharni ijtimoiy-iqtisodiy rivojlantirish, infratuzilmani yaxshilash va aholi turmush sharoitini oshirishga qaratilgan qator muhim masalalar muhokama qilindi.

🔻Sessiya kun tartibiga quyidagi muhim masalalar kiritildi:

🔸1. O‘zbekiston Respublikasi Prezidentining 2024-yil 31-dekabrdagi “Jizzax viloyatini ijtimoiy-iqtisodiy rivojlantirishni jadallashtirish bo‘yicha qo‘shimcha chora-tadbirlar to‘g‘risida”gi PQ-468-sonli qarori ijrosi yuzasidan Jizzax shahrida amalga oshirilayotgan qurilish-ta‘mirlash ishlari to‘g‘risida.

🔸2. Shaharda kambag‘al oilalarning ijtimoiy xizmatlardan to‘liq foydalanishini ta‘minlash, ularning yashash sharoitlarini ijtimoiy xodimlar tomonidan doimiy o‘rganish va aniqlangan muammolarni bartaraf etish yuzasidan amalga oshirilayotgan ishlar to‘g‘risida.

🔸3. Jizzax shahrida 2026-yil 2-mavsumida “Ochiq budjet” axborot portalida ovoz berish jarayonida g‘olib bo‘lgan tashabbuslarga fuqarolar tashabbusi jamg‘armasi mablag‘larini yo‘naltirish to‘g‘risida.

🔸4. “Infratuzilma va ijtimoiy barqarorlik” jamg‘armasidan mablag‘ ajratish to‘g‘risida.

🔸5. Shahar budjetining qo‘shimcha manbalaridan foydalanish to‘g‘risida.

🔹Sessiya davomida masalalar yuzasidan mas‘ullar hisobotlar bilan chiqish qildi, deputatlar tomonidan taklif va mulohazalar bildirildi. Muhokamalar yakunida kun tartibidagi barcha masalalar atroflicha ko‘rib chiqilib, tegishli qarorlar qabul qilindi.